Hundarnir okkar

Hundar hafa verið stór hluti af lífi Jónínu allt frá því að hún var unglingur. Í dag eigum við fjölskyldan þrjá hunda af tegundinni Germann Klein Spitz. Allir hundarnir okkar hafa tekið þátt í hundasýningum á vegum HRFÍ (hundaræktunarfélagi Íslands).

Askur.jpg

Askur (Orku Askur) er fæddur 15. september 2018 og er úr fyrsta gotinu af German Klein Spitz á Íslandi. Foreldrar hans heita  Zorro og Army. Hann er í dag orðinn íslenskur ungliðameistari og var valin besti hvolpur sýningar í júní 2019. Askur fær mjög góðar umsagnir frá dómurum á sýningum og við erum virkilega spennt að sjá hvað framtíðin ber í skauti sér. 

Askur tók einnig CGC hlýðnipróf (Canine Good Citezen) með Jónínu þegar hún var í hundaþjálfaranáminu og gekk virkilega vel.

Grizzly.jpg

Grizzly (Tangle Of Happiness Creuzburg) er fæddur 30. október 2018 í Rússlandi og flutti til Íslands í júlí 2019. Hann fór á eina hundasýningu á meðan hann bjó í Rússlandi og var þá valin besti hvolpur sýningar.

Hér á Íslandi hefur Grizzly gengið mjög vel og er í dag orðinn íslenskur ungliðameistari og fær mjög góðar umsagnir frá dómurum á sýningum.

Embla.jpg

Embla (Orku Ginny Weasley) er fædd 17. desember 2019. Foreldrar hennar heita Zorro og Armonella.

Embla hefur ekki farið á hundasýningu en við erum spennt að sjá hvernig hún þroskast.

Frosti.jpg

Frosti (Fjallahrings Skreppur) fæddist 27. desember 2017 og var úr fyrsta gotinu á Íslandi af Australian Catle Dog. Foreldrar hans heita Texas og Tóta. Frosti varð íslenskur ungliðameistari og náði bronsmerki HRFÍ í hlýðniprófi.

Allt frá því að Frosti var sjö mánaða átti hann við alvarleg og langvinn veikindi. Eftir því sem hann varð eldri þá ágerðust veikindin og leiddu til þess að við þurftum að láta svæfa hann þann 27. apríl 2020. Frosti var mikill karakter og við sökunum hans mjög mikið.